ભારતીય રસોડામાં 'દેશી ઘી' વગર ભોજન અધૂરું માનવામાં આવે છે. પછી તે દાળનો વઘાર હોય કે ગરમાગરમ રોટલી પર લગાવેલું ઘી, તેનો સ્વાદ અને સુગંધ દરેક વાનગીમાં જીવ પૂરી દે છે. પોષક તત્વોથી ભરપૂર ઘી માત્ર સ્વાદ જ નથી વધારતું, પરંતુ સ્વાસ્થ્ય માટે પણ ઉત્તમ છે. પરંતુ શું તમે ક્યારેય વિચાર્યું છે કે, રોજિંદા જીવનમાં વપરાતા આ 'ઘી'ને અંગ્રેજીમાં શું કહેવાય?
આપણી ભારતીય સંસ્કૃતિ અને ભોજન પરંપરામાં ઘીનું સ્થાન વર્ષોથી અનોખું રહ્યું છે. યજ્ઞ-હવનથી લઈને રસોઈ સુધી ઘીની હાજરી અનિવાર્ય છે. નવાઈની વાત એ છે કે, આપણે રોજ ઘીનો ઉપયોગ કરીએ છીએ, છતાં મોટાભાગના લોકો અંગ્રેજીમાં પણ તેને 'ઘી' (Ghee) જ કહે છે. જોકે, આ શબ્દ મુખ્યત્વે ભારતીય અંગ્રેજીમાં વપરાય છે, પરંતુ તેનો સચોટ અંગ્રેજી શબ્દ કંઈક અલગ જ છે.
શું છે ઘીનું સાચું અંગ્રેજી નામ?
ઘીને અંગ્રેજીમાં 'Clarified Butter' કહેવામાં આવે છે.
શા માટે તેને 'Clarified Butter' કહેવાય છે?
શુદ્ધિકરણ: 'Clarified Butter' એટલે કે શુદ્ધ કરવામાં આવેલું માખણ.
પ્રક્રિયા: આ પ્રક્રિયામાં માખણને ગરમ કરીને તેમાંથી પાણી, દૂધના ઘન પદાર્થો અને લેક્ટોઝને સંપૂર્ણપણે દૂર કરવામાં આવે છે.
લાભ: આ પ્રક્રિયાને કારણે જ ઘી સામાન્ય માખણની સરખામણીમાં વધુ લાંબા સમય સુધી સચવાઈ રહે છે અને તે જલ્દી બગડતું નથી. ઉપરાંત, રસોઈ કરતી વખતે તે સામાન્ય માખણ કરતા ઊંચા તાપમાન પર પણ જલ્દી બળતું નથી (તેનો 'સ્મોક પોઈન્ટ' ઊંચો હોય છે).
આથી, હવે જ્યારે પણ તમારે અંગ્રેજીમાં ઘી વિશે વાત કરવી હોય, ત્યારે તમે તેને ગર્વથી 'Clarified Butter' કહી શકો છો!
